Թրամփի ուղերձն ամբողջությամբ.
«Ես չեմ ուզում վնասել Ռուսաստանին. Ես սիրում եմ ռուսներին և միշտ շատ լավ հարաբերություններ եմ ունեցել նախագահ Պուտինի հետ, չնայած արմատական ձախերի կեղծիքներին Ռուսաստանի մասին:
Մենք երբեք չպետք է մոռանանք, որ Ռուսաստանը մեզ օգնեց հաղթել Երկրորդ համաշխարհային պատերազմում՝ այդ ընթացքում կորցնելով գրեթե 60 միլիոն կյանք։ Ասել է թե՝ ես մտադիր եմ Ռուսաստանին, որի տնտեսությունը փլուզվում է, և նախագահ Պուտինին շատ մեծ լավություն անել։
Հանգստացեք հիմա և դադարեցրեք այս ծիծաղելի պատերազմը: Ամեն ինչ միայն կվատանա։ Եթե մենք «գործարք» չհասցնենք, և արագ, ես այլ ելք չեմ ունենա, քան բարձր հարկեր, մաքսատուրքեր և պատժամիջոցներ սահմանել այն ամենի վրա, ինչ Ռուսաստանը վաճառում է ԱՄՆ-ին և այլ մասնակից երկրներին: Եկեք վերջ տանք այս պատերազմին, որը երբեք չէր սկսվի, եթե ես լինեի նախագահ!
Մենք կարող ենք դա անել հեշտ կամ դժվար ճանապարհով, իսկ հեշտ ճանապարհը միշտ ավելի լավն է: «Գործարքը կնքելու» ժամանակն է։ Այլևս ոչ մի կյանք չպետք է կորցնել»:
