Մադրիդի «Ռեալը» դարձել է առաջին ֆուտբոլային ակումբը, որի տարեկան եկամուտը գերազանցում է 1 մլրդ եվրոն: Deloitte աուդիտորական ընկերությունը վերլուծել է 2023/24 մրցաշրջանում աշխարհի ֆուտբոլային ակումբների եկամուտները։
«Ռեալը» երկրորդ անգամ անընդմեջ գլխավորել է վարկանիշը՝ 1,046 մլրդ եվրո եկամուտով, որը 26% -ով ավել է նախորդ մրցաշրջանից (831 մլն եվրո):
Մադրիդցիները դարձել են պատմության առաջին ֆուտբոլային ակումբը, որին հաջողվել է մեկ մրցաշրջանում վաստակել ավելի քան 1 միլիարդ եվրո:
Ընդ որում, «Ռեալի» կոմերցիոն եկամուտները կազմել են 483 մլն եվրո, հեռուստատեսային հեռարձակումներից ստացված եկամուտները՝ 316 մլն եվրո, խաղերի օրերին ստացված եկամուտները՝ 248 մլն եվրո:
