ԱՄՆ Պետդեպարտամենտը դադարեցնում է արտաքին օգնությունը, գրում է Reuters-ը։
ԱՄՆ Պետդեպարտամենտի արտաքին օգնության գրասենյակի կողմից մշակված և պետքարտուղար Մարկո Ռուբիոյի կողմից հաստատված որոշման մեջ ասվում է, որ դադարեցվել են Իսրայելի և Եգիպտոսի ռազմական ֆինանսավորման համար հատկացումները:
Նախագահի պաշտոնը ստանձնելուց ընդամենը ժամեր անց Թրամփը հրամայեց 90-օրյա ընդմիջում անել արտաքին օժանդակության համար՝ մինչև իր արտաքին քաղաքականության արդյունավետության և հետևողականության վերանայմանը, սակայն հրամանի շրջանակը հայտնի չէր:
Պետդեպարտամենտի որոշման մեջ ասվում է, որ այն ուժի մեջ է մտնում անմիջապես, բարձրաստիճան պաշտոնյաները «կապահովեն, որ օրենքով թույլատրված առավելագույն չափով նոր պարտավորություններ չկատարվեն արտաքին օգնության համար», քանի դեռ Ռուբիոն որոշում չի կայացրել վերանայումից հետո:
USAID-ի պաշտոնյան, ով խնդրել է անանուն մնալ, Reuters-ին ասել է, որ Ուկրաինայում նախագծերի համար պատասխանատուներին ասվել է դադարեցնել բոլոր աշխատանքները: Սառեցված նախագծերի թվում են աջակցությունը դպրոցներին և առողջապահական օգնությունը, ներառյալ մայրերին շտապ օգնությունը և երեխաների պատվաստումը:
