ՌԴ-ում 14 տարեկանից կերդվեն քաղաքացիության համար

ՌԴ կառավարությունը հավանություն է տվել օրինագծի, որի համաձայն օտարերկրացիները ՌԴ քաղաքացիություն չեն ստանա, եթե հրաժարվեն երդումից: Նույն փաստաթղթով առաջարկվում է երդում տալու նվազագույն տարիքը 18-ից իջեցնել 14-ի. հայտնում է ՏԱՍՍ-ը։

Այժմ, ըստ օրենքի, ՌԴ քաղաքացիություն ունեցող բոլոր օտարերկրացիները պարտավոր են երդում տալ, բացի անչափահասներից և անգործունակներից: ՌԴ քաղաքացիություն ստանալու մասին որոշումն օրինական ուժի մեջ է մտնում անձի երդման օրվանից, բայց համարվում է անվավեր, եթե երդումը չտրվի մեկ տարվա ընթացքում:

Առաջարկվում է հստակեցնել այս ձևակերպումը՝ հաշվի առնելով այն դեպքերը, երբ անձը հրաժարվում է երդում տալ կամ մահանում է մինչ այդ։ Իրադարձությունների՝ նման զարգացման դեպքում քաղաքացիություն շնորհելու որոշումը նույնպես անվավեր կհամարվի։

Փաստաթուղթը Պետդումա է ներկայացվել նոյեմբերին՝ տարբեր խմբակցությունների մի խումբ պատգամավորների կողմից։