Եվրամիությունը կհանի Սիրիայի դեմ պատժամիջոցները, որոնք սահմանվել են 2012թ. քաղաքացիական պատերազմի սկսվելուց հետո։ Այս մասին հայտարարել է եվրոպական դիվանագիտության ղեկավար Կայա Կալասը։
Նա ընդգծել է, որ Եվրամիությունը «ձգտում է արագ գործել» պատժամիջոցների վերացման հարցում, սակայն նախազգուշացրել է, որ որոշումը կարող է վերանայվել, եթե երկրի նոր իշխանությունները «սխալ քայլեր ձեռնարկեն»:
Կալլասը չի հստակեցրել, թե հատկապես որ պատժամիջոցները կհանվեն առաջին հերթին: Reuters-ը, հղում անելով իր աղբյուրներին, նախօրեին գրել էր, որ ծրագիրը նախատեսում է ավիաընկերությունների, այդ թվում՝ պետական Syrian Arab Airlines-ի նկատմամբ սահմանափակումների վերացում և նավթի արտահանման արգելքի վերանայում:
