ԱՄՆ-Մեքսիկա սահմանին փոխհրաձգություն է տեղի ունեցել թմրակարտելի անդամների և ԱՄՆ սահմանապահների միջև։ Այս մասին հայտնել է New York Post թերթը։
Նշվում է, որ նարկոկարտելի անդամը կրակ է բացել սահմանապահ ծառայության վրա, երբ անօրինական ներգաղթյալները փորձել են գետը լողալով անցնել ԱՄՆ։
Թերթի տեղեկություններով՝ պարեկային ծառայությունը կանխել է սահման ներթափանցելու փորձը։ Նշվել է նաև, որ կրակոցների հետևանքով ոչ ոք չի տուժել։
Ավելի վաղ՝ հունվարի 27-ին, ԱՄՆ մաքսային և սահմանային պաշտպանության ծառայությունը նախագահ Դոնալդ Թրամփի վարչակազմից հրահանգներ էր ստացել ձերբակալել ներգաղթի օրենքները խախտելու համար և օրական ձերբակալվողների թիվը մի քանի հարյուրից հասցնել առնվազն 1200-1500-ի։
