Մեղրիի կամ Քի Վեսթի պաշտոնական տարբերակ չի եղել, եղել են տարբեր սևագրեր

Լրագրող Թաթուլ Հակոբյանը «Ֆեյսբուք»-ի իր էջում գրել է.

«Քանի որ Մեղրիի թեման կրկին բացվել է, ուզում եմ մի քանի բան ասել, որ պատշաճ ուշադրության չի արժանացել անցնող 25 տարիներին.

ա/ եղել է ոչ թե մեկ միջանցք, այլ երկու, այսինքն՝ Մեղրիի սուվերեն անցում (soveraign passage- ըստ Քի Վեսթի սևագիր տարբերակի) և Ֆիզուլիից կամ Աղամից սուվերեն միջանցք դեպի Շուշի: Այսինքն՝ ադրբեջանցիները պետք է նաև միջանցք ստանային Շուշիի հետ ուղղակի կապվելու համար, հետևաբար՝ Շուշին փաստացի դրվում էր նրանց վերահսկողության տակ: Ես մեկնաբանության մեջ թողնելու եմ մի գաղտնի, ավելի ճիշտ՝ գաղտնազերծված տեքստ, որ չկասկածեք:

բ/ Մեղրիի կամ Քի Վեսթի ՊԱՇՏՈՆԱԿԱՆ տարբերակ չի եղել, եղել են տարբեր սևագրեր,

գ/ Ղարաբաղյան կարգավորման հարցում առաջին ջութակը Ռուսաստանն էր, և պատկերը ամբողջականին մոտ կարող է լինել, եթե ռուսական, ցանկալի է նաև՝ ֆրանսիական վիկիլիքսեր ունենանք,

դ/ այդ օրերին կատարվել են հետևյալ դեպքերը՝

1999- Երեւանում` Հոկտեմբերի 27,

1999 – դեկտեմբեր, Ստեփանակերտում ԼՂՀ ՊԲ-ի լուծարում,

2000 – մարտի 22, Արկադի Ղուկասյանի դեմ մահափորձ»։