Լոս-Անջելեսում անցկացված «Գրեմմի» 67-րդ մրցանակաբաշխությանը ամերիկացի երգչուհի Բեյոնսեի «Cowboy Carter» քանթրի ալբոմը հաղթել է «Լավագույն ալբոմ» անվանակարգում։
BBC-ի հաղորդմամբ՝ տարածաշրջանում բռնկված հրդեհների պատճառով մրցանակաբաշխությունն անցկացվել է սովորականից համեստ։
Բեյոնսեն մրցանակը ստացել է Թեյլոր Սվիֆթից։
«Անցել են շատ տարիներ, և ես հույս ունեմ, որ մենք կշարունակենք առաջ գնալ՝ բացելով նոր դռներ», – ասել է երգչուհին մրցանակը ստանալիս։
«Cowboy Carter»-ը ճանաչվել է նաև «լավագույն քանթրի ալբոմ»՝ դառնալով 67-րդ «Գրեմմի» մրցանակաբաշխության հիմնական հաղթողներից մեկը։ Բեյոնսեի և նրա ամուսնու՝ ռեփեր Jay-Z-ի դեմքի արտահայտությունից երևում էր, որ այս անվանակարգում հաղթանակը նրանց համար անսպասելի էր։
«Ես իսկապես չէի սպասում դրան», – ասել է Բեյոնսեն։
