ԱԺ ՔՊ խմբակցության պատգամավոր Խաչատուր Սուքիասյանը ՔՀՏՄ ղեկավար Գարեգին Խաչատրյանին ասաց` ահազանգեր կան, որ կառուցապատողներին չի տրվում ավարտական ակտ այն պատճառաբանությամբ, որ հրշեջ մեքենան չի կարողանում մոտենալ շենքին։
Ըստ Սուքիասյանի՝ սա խայտառակություն է. «Սա շատ վատ երևույթ է։ Այս ամենն արվել էր նրա համար, որ Հայաստանում ցանկացած տնտեսվարող հնարավորություն ունենա օրենքի սահմաններում գործել, շինարարություն անել, զբաղվել այն ամենով, որն արգելված չէ»։
Խաչատուր Սուքիասյանը խորհուրդ տվեց նորմատիվներն արագ փոխել։ Նրա խոսքով՝ դա սովետական, անընդունելի վարքագիծ և փոխհարաբերություն է կառուցապատողների հետ, որը պետք է վերանա։
ՔՀՏՄ ղեկավար Գարեգին Խաչատրյանը պարզաբանեց, որ մինչև շինարարության սկսելը պետք է բազմաբնակարան շենք կառուցողն ունենա հրդեհային անվտանգության տեսչական մարմնի եզրակացությունը, որ պատվիրված նախագիծը համապատասխանում է 2001թ. գործող հրդեհային անվտանգության կանոններին։
