Վրաստանի խորհրդարանի նախագահ Շալվա Պապուաշվիլին հայտարարել է, որ երկիրը ԵԽԽՎ-ից ետ է կանչում իր պատվիրակությանը․
«Մենք չենք կարող նման պայմաններում աշխատել վեհաժողովի շրջանակներում։ Կարևոր է, որ խորհրդարանական վեհաժողովը վերադառնա իր հիմնարար արժեքներին՝ հիմնված ժողովրդավարության և ժողովրդի կամքը հարգելու վրա:
Եթե մենք չենք հարգում միմյանց ինքնիշխանությունը, չենք հարգում ժողովրդի կամքը, որն արտահայտվում է ընտրություններում, ապա, իհարկե, դժվար է խոսել միջազգային համագործակցության սկզբունքների մասին, որոնց վրա է հիմնված ժամանակակից աշխարհը»,- ասել է Շալվա Պապուաշվիլին։
