Վրաստանում ընդդիմադիր 49 պատգամավորի լիազորությունները դադարեցվել են

Վրաստանի խորհրդարանի ընթացակարգային հարցերի և կանոնակարգի հանձնաժողովը, որի լեգիտիմությունը չի ճանաչում ընդդիմությունը, հաստատել է 49 ընդդիմադիր պատգամավորների լիազորությունների վաղաժամկետ դադարեցումը:

Նրանցից 19-ը «Հանուն փոփոխությունների կոալիցիայի», 16- ը՝ «Միասնություն-ազգային շարժման» և 14-ը՝ «Ուժեղ Վրաստանի» ներկայացուցիչներ են։

Ընդդիմադիրներն իրենք են պահանջել դադարեցնել իրենց լիազորությունները։
Ընդդիմադիր այս կառույցները կեղծված են համարում 2024 թվականի հոկտեմբերի 26-ի խորհրդարանական ընտրությունները, որոնց պաշտոնական արդյունքներով «Վրացական երազանքը» ստացել է մեծամասնություն (89 տեղ խորհրդարանում)։