Երևանի ավագանու ՔՊ խմբակցության ղեկավար Արմեն Գալջյանը ֆեյսբուքի իր էջում գրել է.
«Քանի որ ընդդիմադիր ավագանու անդամները հայտարարում են, թե իբր իրենց պայքարի շնորհիվ է մեկ ուղևորության սակագինը դարձել 150 դրամ, հրապարակում եմ հունվարի 31-ի ավագանու նիստի քվեարկության արդյունքները։
Ո՛չ «Ազգային առաջընթաց», ո՛չ էլ «Մայր Հայաստան» խմբակցության անդամները չեն քվեարկել այդ նախագծի օգտին։ Ընդհակառակը, նրանք հրահրել են վեճ, բոյկոտել նիստը և փորձել են տապալել այն։ Ընդդիմադիր ուժերից միայն «Հանրային ձայն» խմբակցության անդամներն են մասնակցել քվեարկությանը։
Որոշումը կայացվել է բացառապես քաղաքացիների առաջարկների և բողոքների հիման վրա»։
