«Լիվերպուլը» դարձել է Անգլիայի լիգայի գավաթի պատմության մեջ ամենաշատ գոլ խփած թիմը, հայտնում է Opta-ն:
Մրցաշարի պատմության ընթացքում խփած գոլերի քանակը ակումբը հասցրել է 521-ի:
Լիգայի գավաթի կիսաեզրափակչի պատասխան խաղում Առնե Սլոթի թիմը 4-0 հաշվով հաղթել է «Տոտենհեմին», որն առավելության էր հասել դիմակայության առաջին մրցավեճում՝ 1-0 հաշվով:
«Ուեմբլի» ստադիոնում կայանալիք եզրափակչում «Լիվերպուլը» կհանդիպի «Նյուքասլի» հետ, որը պայքարից դուրս էր թողել Լոնդոնի «Արսենալին»:
«Լիվերպուլն» Անգլիայի լիգայի գործող ու ռեկորդային գավաթակիրն է (10 գավաթ): Նախորդ մրցաշրջանի եզրափակչում թիմը առավելության էր հասել «Չելսիի» նկատմամբ 1-0 հաշվով:
