Վաղը Լիտվան, Լատվիան և Էստոնիան ընդմիշտ կանջատվեն ռուսական էներգոհամակարգից։ Այս մասին «X» սոցցանցում գրել է Եվրամիության արտաքին գործերի և անվտանգության քաղաքականության գերագույն ներկայացուցիչ Կայա Կալլասը:
«Ռուսաստանն այլևս չի կարողանա էներգառեսուրսներն օգտագործել որպես շանտաժի գործիք։ Սա Եվրոպայի ազատության և միասնության հաղթանակն է», – գրել է Կալլասը։
Հիշեցնենք, որ Բալթյան երկրները՝ Էստոնիան, Լատվիան և Լիտվան, անջատվում են հարևան Ռուսաստանի և Բելառուսի էլեկտրահամակարգից և միանում Եվրամիության համակարգին:
«Սա ֆիզիկական անջատում է Ռուսաստանի և Բելառուսի էներգոհամակարգից մեր կախվածության վերջին տարրից»,- Associated Press-ին տված հարցազրույցում հայտարարել է Լիտվայի նախագահ Գիտանաս Նաուսեդան:
