Հայերեն գրքերին ձայն հաղորդող եւ բարբառները պահպանող «Գրքասեր»-ը

Շուրջ տասը տարի առաջ նոր սերնդին ընթերցասիրությամբ վարակելու ու կարդալու հնարավորություն չունեցող մարդկանց համար հայերեն գրականությունը մատչելի դարձնելու շարժառիթով Տիգրան Ազիզբեկյանը հիմնեց «Գրքասեր» հարթակը, որն այսօր հայերեն աուդիոգրքերի ամենամեծ գրադարանն է՝ ավելի քան 5 000 ժամ ձայնային գրականությամբ:

2024 թվականի վերջին Grqaser.org-ը ներկայացրեց թարմացված կայքը ու տեսողության սահմանափակ կարողություններ ունեցող մարդկանց համար նախատեսված ալտերնատիվ հարթակը՝ alt.grqaser.org-ն:

Մեդիամաքսը պատմում է հարթակի զարգացման, հայոց լեզվի ու հայերեն գրականության պահպանմանն ուղղված ծրագրերի, ինչպես նաեւ նոր գործարկված ալտերնատիվ հարթակի մասին:

«Այսօրվա պես հիշում եմ, թե որտեղ էի ու ինչ էի անում, երբ ընկերս՝ Տիգրան Ազիզբեկյանը, զանգահարեց, ու ասաց, որ Լեռնային Ղարաբաղի Հանրապետության Արդարադատության նախարարությունում է եւ պետք է արագ անուն ասել՝ գրանցելու համար այն հասարակական կազմակերպությունը, որով էլ պետք է իրագործենք Տիգրանի՝ հայերեն աուդիոգրքերի գրադարան ստեղծելու գաղափարը: Արագ մի քանի տարբերակներ հնչեցրի ու ընտրեցինք «Գրքասերը»»,- պատմում է «Գրքասեր»-ի նախագծերի ղեկավար Գոռ Հարությունյանը:

Մանրամասները` սկզբնաղբյուրում։