Ռուսաստանը դեռ փոփոխություն չի տեսնում Ուկրաինայի հարցում ԱՄՆ դիրքորոշման մեջ, այս մասին հայտարարել է Ռուսաստանի արտաքին գործերի փոխնախարար Սերգեյ Ռյաբկովը։
Նրա խոսքով, Թրամփի թիմը շահագրգռված է Ռուսաստանի հետ երկխոսության վերսկսմամբ, իսկ Մոսկվան պատրաստ է երկխոսության Վաշինգտոնի հետ. «ՌԴ-ի և ԱՄՆ-ի միջև ամենաբարձր մակարդակով կոնտակտային պայմանավորվածություններ ներկայումս չկան»,- ասել է Ռյաբկովը։
Ռյաբկովը նշել է, որ ԱՄՆ քաղաքականությունը խախտում է միջուկային զենքի չտարածման ռեժիմը և թուլացնում վերահսկողությունը դրա նկատմամբ։
