ԱՄՆ իշխանությունները չեն կարող լիովին հրաժարվել այնպիսի փափուկ ուժի գործիքից, ինչպիսին USAID-ն է։ Այս մասին մամուլի ասուլիսի ժամանակ հայտարարել է ՌԴ փոխարտգործնախարար Սերգեյ Ռյաբկովը։
«Միացյալ Նահանգները, ներկայիս իր ներքին համոզմունքի պայմաններում, իր էլիտայի բոլոր օղակներում չի կարող պարզապես հրաժարվել այս կամ այն գործիքից՝ իր փափուկ և ոչ միայն փափուկ ուժը պրոյեկտելու համար»,- ասել է նա։
Ավելի վաղ Թրամփի ազգային անվտանգության հարցերով խորհրդական Մայքլ Վալցը հայտարարել էր, որ ԱՄՆ Միջազգային զարգացման գործակալության (USAID) ծրագրերի չեղարկումը չի մեծացնի Չինաստանի և Ռուսաստանի գլոբալ ազդեցությունը։ Նա հավելել է, որ «միայն դոլարի ցենտներն են իրականում հասնում կարիքավոր մարդկանց»։
