ԱԺ փոխնախագահ Ռուբեն Ռուբինյանը, հայտարարությունների ժամին դիմելով «Հայաստան» խմբակցության պատգամավորներին, նշել է, թե նրանք սիրում են բանավեճը պաթոսի դաշտ տանել։
Ռուբինյանը հիշեցրել է ՀՅԴ-ի 004 շրջաբերականը: Նա ասել է, որ ցանկացել են այնպես անել, որ ԼՂ-ում հայերը շարունակեն ապրել.
«Երբ մի ճանապարհը չէր աշխատում, փորձում էինք այլ ճանապարհ ընտրել․ եթե դա նշանակում էր նշաձողի իջեցում, պետք էր գնալ դրան։ Դուք ամբողջ ճանապարհին պաթոսային քաղաքականությամբ ու, ընդհանրապես, 004 շրջաբերականով, Արցախում իշխանություն փոխելու, հետո՝ Հայաստանում իշխանություն փոխելու անհագուրդ ցանկությամբ բերեցիք նրան, ինչ ունենք․ իսկ ԼՂ-ում մենք ունենք զրո հայ»։
