Ռուսաստանը նախընտրում է հավատարիմ մնալ ԱՄՆ-ի հետ շփումների գաղտնիության վերաբերյալ պայմանավորվածություններին, հայտարարել է ՌԴ ԱԳ նախարար Սերգեյ Լավրովը։
«Ինչպես հասկանում եք, դիվանագիտական և այլ շփումները սիրում են լռություն: Վերջին մի քանի շաբաթների ընթացքում բազմաթիվ հարցեր են տրվել տարբեր մակարդակներով, այդ թվում՝ նախագահի մամուլի քարտուղար Դմիտրի Պեսկովին: Եվ նա պատասխանել է այն, ինչ կարելի էր պատասխանել, որ կան շփումներ, դրանք շարունակվում են»,- լրագրողներին ասել է Լավրովը:
Նրա խոսքով՝ «ամերիկացի գործընկերները որոշել են հայտարարել այդ շփումների արդյունքները»։
«Մենք այլ մոտեցում ունենք ձեռք բերվող պայմանավորվածությունների նկատմամբ»,-ասել է նա:
