Առողջապահության նախարար Անահիտ Ավանեսյանը հայտնել է, թե 44-օրյա պատերազմից հետո չհուղարկավորված քչաթիվ մարմիններ կան դեռ։ Ըստ նրա՝ դրանց մի մասն արդեն հուղարկավորվել է։
«Հուղարկավորության դեպքերը եղել են միայն ծնողների կամ հարազատների համաձայնությամբ։ Այդ դեպքերում հենց նրանք են իրականացրել հուղարկավորությունը։ Իսկ այն դեպքերում, երբ նույնականացումն իրականացվել է, բայց հարազատները չեն ընդունել դրա արդյունքները, աշխատանքները դեռ շարունակվում են»,- ասել է նախարարը։
Ավանեսյանը նշել է, որ թեմայով քննարկումները նաև միջգերատեսչական հանձնաժողովում են շարունակվում, ու երբ արդյունքում որոշակիություն լինի, համապատասխան տեղեկատվություն կտրամադրի։ Այս պահին որևէ թիվ հրապարակել նախարարը չցանկացավ։
