ԱՄՆ-ն մտադիր է Հնդկաստանին մատակարարել հինգերորդ սերնդի F-35 կործանիչներ, հայտարարել է Դոնալդ Թրամփը վարչապետ Նարենդրա Մոդիի հետ բանակցություններից հետո։
Վաշինգտոնն ակնկալում է, որ Հնդկաստանը կավելացնի ամերիկյան զենքի գնումները «միլիարդավոր» դոլարներով։
«Այս տարվանից մենք միլիարդավոր դոլարներով կավելացնենք մեր ռազմական վաճառքը Հնդկաստանին և ճանապարհ կբացենք F-35 կործանիչների տեղափոխման համար»,- ասել է ամերիկացի առաջնորդը։
Հատկանշական է, որ Հնդկաստանն ավանդաբար եղել և մնում է աշխարհում ռուսական զենքի ամենամեծ գնորդներից մեկը՝ կործանիչներից մինչև հականավային հրթիռներ։ Հնդկաստանում գործում է նաև խորհրդային արտադրության միակ ավիակիրը:
