«Ուկրաինայի վերաբերյալ ցանկացած խաղաղության համաձայնագիր, որը կնքվի առանց Եվրոպայի, կտապալվի»․ այս մասին DW-ին հայտնել է ԵՄ արտաքին գործերի և անվտանգության քաղաքականության հարցերով գերագույն ներկայացուցիչ Կայա Կալլասը։ Նա փետրվարի 13-ին Բրյուսելում մասնակցել Է ՆԱՏՕ-ի երկրների պաշտպանության նախարարների հանդիպմանը։
«Ցանկացած համաձայնագիր առանց մեզ ձախողվելու է, քանի որ անհրաժեշտ է, որ Եվրոպան և Ուկրաինան նույնպես կատարեն այն։ Ցանկացած արագ լուծում կեղտոտ գործարք է… Դա չի կանգնեցնի սպանությունները, չի կանգնեցնի պատերազմը», – ընդգծել է եվրոպական դիվանագիտության ղեկավարը:
