Եվրոպայի ամենամեծ սպառնալիքը Ռուսաստանը չէ. Վենս

Մյունխենի անվտանգության համաժողովում ԱՄՆ փոխնախագահ Վենսը կոշտ քննադատության է ենթարկել Եվրամիության և առանձին եվրոպական երկրների քաղաքականությունը․
«Եվրոպայի համար ինձ ամենաշատ անհանգստացնող սպառնալիքը Ռուսաստանը չէ, ոչ էլ՝ Չինաստանը։ Ինձ անհանգստացնում է ներսից եկող սպառնալիքը, Եվրոպայի նահանջն իր հիմնական արժեքներից» ,- ասել է Վենսը։

ԱՄՆ փոխնախագահը նաև հայտարարել է, որ պատրաստ է գնալ Ռուսաստան՝ Ուկրաինայի հարցով բանակցությունների։

Մասնավորապես, նա քննադատել է Ռումինիայում ընտրությունների չեղարկումը՝ այն անվանելով «հեռացում ժողովրդավարությունից»։

Նա ԵՄ-ին մեղադրել է նաև խոսքի ազատությունը ոտնահարելու մեջ։ «Եվրոպան հեռացել է մեր ընդհանուր արժեքներից»,- ասել է Վենսը։