YouTube-ը ներկայացրել է Dream Screen նորացված գործառույթը. գրում է Kommersant-ը։
Այժմ այն թույլ է տալիս կարճ տեսանյութերի՝ Shorts բաժնի համար տեքստային նկարագրության հիման վրա ստեղծել ամբողջական տեսանյութեր: Գործիքը աշխատում է Google Veo 2 նեյրոցանցի հիման վրա և օգտատերերին հնարավորություն է տալիս ընտրել տեսանյութերի ոճերը, էֆեկտները և տևողությունը:
Նախկինում DreamScreen-ը կարող էր օգտագործվել միայն ֆոն ստեղծելու համար, բայց այժմ դրա օգնությամբ ստեղծված տեսանյութերը կհրապարակվեն Shorts-ում: Դա անելու համար պետք է ակտիվացնել տեսախցիկը, բացել մեդիա ֆայլերի ընտրության վահանակը, սեղմել «ստեղծել» կոճակը և մուտքագրել տեքստային հարցում: Գործառույթն արդեն հասանելի է ԱՄՆ-ում, Ավստրալիայում, Կանադայում և Նոր Զելանդիայում: Հետագայում YouTube-ը նախատեսում է ընդլայնել աշխարհագրությունը, սակայն հստակ ժամկետներ չի նշում:
Ստեղծված բոլոր տեսանյութերը կմատնանշեն AI-ի օգտագործման փաստը:
