ՀՀ երկրորդ նախագահ Ռոբերտ Քոչարյանն անդրադարձել է ԼՂ խնդրում ՌԴ պահվածքին։ «Ուժային միջամտություն ո՞ւմ համար, Հայաստանի համար, որ ճակատագրական պահին քեզ քցել է, որն անցել է քո թշնամիների ճամբարը։ Որևէ մեկը ձեզանից իրեն դավաճանած ընկերոջ համար կռվի մեջ կմտնի՞։ Չեմ կարծում։ Ընկալումն այսպիսին է։ Հիմա մի կողմ դնենք, թե իրական պատկերը որն է։ Մարդիկ գործողության են գնում ընկալումներով, թե ոնց են ընկալում իրավիճակը»,- ասել է ն։
Ըստ Քոչարյանի, ԱՄՆ նախագահ Թրամփն ուղղակի ապամոնտաժում է նեոլիբերալ աշխարհակարգը և այն գործիքակազմը, որով այդ գաղափարախոսությունն առաջ էր մղվում աշխարհով մեկ։ «Ես չեմ կասկածում, որ մոտակա ժամանակներում Հայաստանի վարչապետը շատ արագ կոշիկները փոխելու է, զանգելու է ՌԴ նախագահին, և ոնց որ բան չի պատահել, սկսելու է կենացներ ասել հայ-ռուսական դարավոր բարեկամության մասին»,- ասել է նա։
Քոչարյանի խոսքով. «Դու կարող ես, Ռուսաստանի հետ ճիշտ քաղաքականություն վարելով, չթշնամանալ արևմուտքի հետ։ Այդ պատուհանը բացվում է։ Կարևոր է, որ հետագա գործընթացներում Հայաստանը ներկայացված չլինի այս մարդկանցով, որոնք փչացրել են ամեն ինչ»։
