Վաշինգտոնի վարչակազմը ցանկանում է դիվանագիտական մեթոդներ կիրառել Թեհրանի հետ իրանական միջուկային ծրագրի հետ կապված տարաձայնությունները լուծելու համար։ Այս մասին հայտնել է ԱՄՆ նախագահ Դոնալդ Թրամփի Մերձավոր Արևելքի հարցերով հատուկ բանագնաց Սթիվեն Վիտկոֆը։
«Նախագահն ասաց, որ իրենք (իրանցիները) չեն ստանա (ատոմային) ռումբ: Նրանց ռումբ ստանալը կհրահրի միջուկային սպառազինությունների մրցավազք, դա չի կարելի թույլ տալ: Բայց նախագահը նաև ասաց, որ այդ հարցը կարող է լուծվել դիվանագիտական ճանապարհով: Եվ եթե Իրանը հետաքրքրություն ցուցաբերի դիվանագիտական լուծման նկատմամբ, ամերիկյան կառավարությունը բաց կլինի նման քննարկումների համար»,- ասել է Վիտկոֆը Fox News-ին տված հարցազրույցում։
