Մակրոնը ԵՄ առաջնորդների հանդիպում կանցկացնի՝ Ուկրաինայի հարցում դիրքորոշում մշակելու համար

Եվրոպացի առաջնորդները փետրվարի 17-ին կհանդիպեն Փարիզում՝ քննարկելու Ռուսաստանի և Ուկրաինայի միջև հնարավոր խաղաղության համաձայնագիրը։ Երկուշաբթի օրը Փարիզում եվրոպացի ղեկավարները կքննարկեն Ուկրաինայի պատերազմը դադարեցնելու՝ ԱՄՆ նախագահ Դոնալդ Թրամփի ծրագրերը։

Ֆրանսիայի նախագահ Էմանուել Մակրոնի հրավերով կազմակերպված հանդիպումը հաստատել է Ֆրանսիայի արտգործնախարար Ժան-Նոել Բարրոն՝ France Inter ռադիոյին տված հարցազրույցում։

Euronews-ը, վկայակոչելով դիվանագիտական ​​աղբյուրը, հայտնել է, որ հանդիպմանը ներկա կլինեն Մեծ Բրիտանիայի, Գերմանիայի, Դանիայի, Իտալիայի և Լեհաստանի ղեկավարները, հնարավոր է նաև ՆԱՏՕ-ի գլխավոր քարտուղար Մարկ Ռյուտեի, Եվրոպական խորհրդի նախագահ Անտոնիու Կոշտայի և Եվրահանձնաժողովի ղեկավար Ուրսուլա ֆոն դեր Լայենի մասնակցությունը։