Հայաստանի ԳԽ և Արցախի ԱԺ նախկին պատգամավոր Վահրամ Աթանեսյանը «Ֆեյսբուքի» իր էջում գրել է.
«Եթե կա հարաբերական մի ճշմարտություն, որ Հայաստանի ժողովուրդը պիտի իմանա, ապա դա հետեւյալն է. 2014թ. հուլիս-օգոստոս ամիսներին Իլհամ Ալիեւը ղարաբաղա-ադրբեջանական զորքերի շփման գծում կտրուկ սրել է իրավիճակը, սեպտեմբերի 26-ին ՌԴ նախագահ Պուտինը կողմերին հրավիրել է Սոչի, որտեղ Ադրբեջանի նախագահը վերջնականապես մերժել է ԼՂ կարգավիճակը հետաձգված հանրաքվեով որոշարկելու հնարավորությունը:
Իսկ 2016թ. ապրիլյան քառօրյա մարտերից հետո Բաքվի դիրքորոշումը մեկն է եղել՝ ստորագրել «օկուպացված տարածքներից հայկական ուժերի դուրսբերման գրաֆիկը, նոր շփման գծում հաստատել հրադադարի վերահսկման միջազգային մեխանիզմներ, (չշփոթել խաղաղապահների տեղակայման եւ բուֆերային գոտու ստեղծման հետ) այնուհետեւ քննարկել Ադրբեջանի կազմում ԼՂ ինքնավար կարգավիճակի պարամետրերը»:
Մնացածը պարզ ստախոսություն է: Նիկոլ Փաշինյանը պետք է ընդունե՞ր այդ «կարգավորումը»: Այո, իհարկե, անպայման: Բայց ՊՊԾ գնդի գրավման վակխանալիան հիշու՞մ եք»։
