Մոսկվայի «Լոկոմոտիվի» պաշտպան Նաիր Տիկնիզյանը խոսել է իսպանական «Սևիլիա» ակումբի հետ բանակցությունների մասին։
«Ես բացարձակապես չեմ մասնակցում բանակցություններին։ Ինձ դա պետք չէ։ Ես գործակալ ունեմ՝ Սաշա Կլյուևը։ Գիտեմ, որ ամռանը առաջարկ եղավ, բայց այն շատ փոքր էր և հարմար չէր «Լոկոմոտիվին»։ Հիմա խոսակցություններ են գնում, բայց դրանք կարող են խոսակցություններ էլ մնալ»,- Տիկնիզյանի խոսքերն է մեջբերում «Спорт-Экспресс»-ը։
24-ամյա Տիկնիզյանը «Լոկոմոտիվում» հանդես է գալիս 2021 թվականից։ Նրա աշխատանքային պայմանագիրը ակումբի հետ ուժի մեջ է մինչև 2026 թվականի հունիսի վերջը։ Նախկինում պաշտպանը բազմիցս հայտարարել է, որ իր նպատակը Եվրոպայի առաջնությունում խաղալն է։ Ընթացիկ մրցաշրջանում նա անցկացրել է 23 հանդիպում, որոնցում դարձել է 2 գոլի և 3 գոլային փոխանցման հեղինակ։
