ԱՄՆ-ն դադարեցրել է ուկրաինացիների ներգաղթի դիմումների քննարկումը

Սահմանափակումներից տուժած ծրագրերի թվում, ըստ CBS News-ի, «Միասնություն Ուկրաինայի համար» նախաձեռնությունն է, որը նախատեսված է ուկրաինացի փախստականներին աջակցելու համար: Դրա շնորհիվ, մինչև Դոնալդ Թրամփի իշխանության գալը, մոտ 240 հազար ուկրաինացի էր ներգաղթել ԱՄՆ․ հայտնում է հեռուստաալիքը։

Ինչպես նշում է CBS News-ը, որոշումը վերաբերվում է այն մարդկանց, որոնք արդեն ապրում են Միացյալ Նահանգներում և դիմել են ներգաղթի արտոնություններ ստանալու համար, ինչը թույլ կտա օրինական կերպով մնալ Նահանգներում։

Սառեցումն անորոշ ժամանակով է, մինչև պաշտոնյաները կաշխատեն բացահայտել հնարավոր խարդախությունները և բարելավել ստուգման ընթացակարգերը: