ՌԴ նախագահ Վլադիմիր Պուտինը հայտարարել է, որ հաճույքով կհանդիպի Դոնալդ Թրամփի հետ։ Ըստ նրա, սակայն, մինչև հանդիպումը պետք է նախապատրաստական աշխատանքներ իրականացվեն։
Պուտինի խոսքով, Թրամփի հետ պարզապես հանդիպումը բավարար չէ, այլ պետք է հասնել ամենակարևոր հարցերի մշակման, այդ թվում՝ Ուկրաինայի հարցով։
«Ռուսաստանի և ԱՄՆ-ի հարաբերություններն այսօր այնպիսին են, որ սուրճի սեղանի շուրջ հանդիպումը բավարար չէ»,- ընդգծել է նա՝ նշելով, որ Ռիադի բանակցություններն անցել են կառուցողական մթնոլորտում։
Պուտինը նաև հայտարարել է, որ Ռուսաստանը չի հրաժարվել եվրոպացիների և Ուկրաինայի հետ շփումներից, այլ նրանք են դադարեցրել կամ արգելել շփումները։
