Վարչապետ Նիկոլ Փաշինյանը կառավարության նիստում անդրադարձել է մանկապարտեզներում անկողնային սպիտակեղենի թեմային։ «Ծնողներն ասում են՝ երեխաների համար իրենք են անկողնային սպիտակեղենը տանում։ Բայց ինձ թվում է՝ այստեղ էլ մենք մեր քաղաքականությունը պետք է որոշենք ու ստանդարտ դնենք»,- ասել է նա։
Նրա հարցադրմանն ի պատասխան՝ ԿԳՄՍ նախարար Ժաննա Անդրեասյանը հայտնել է, որ կա գույքի առանձին ցանկի հրաման, և նշված պարագաները ևս ներառված են դրանում։
Նշենք, որ կառավարության այսօրվա որոշմամբ 2025թ. պետական բյուջեով ՀՀ ԿԳՄՍ նախարարությանը կապիտալ ծրագրերի իրականացման համար հատկացված միջոցներից կատարվեց վերաբաշխում՝ 1․593․349 հազար դրամի չափով։
