Արդարադատության նախարար Սրբուհի Գալյանը հայտնել է, որ նոր սահմանադրության մեջ կառավարման համակարգի փոփոխություն նախատեսված չէ։ Նա նշել է, որ այժմ ոչ թե նոր հայեցակարգի վրա են աշխատում, այլ՝ սահմանադրության նոր տեքստի։
«Պետք է ամեն ինչ անել, որ սահմանադրության նոր նախագծի տեքստը պատրաստ լինի մինչև նոր ընտրությունները»,- ասել է նա՝ հավելելով, որ դրանից հետո արդեն կորոշվի հանրաքվեի դնելու հարցը։ Գալյանը նաև շեշտել է, որ սահմանադրության տեքստի մասին մեկնաբանություններ չի անի. «Դա կվերապահենք համապատասխան հանձնաժողովին»։
Գալյանը նաև նշել է, որ ընտրակարգի հետ կապված որոշ հստակեցումներ հնարավոր են՝ հենվելով համամասնական ընտակարգի վրա ու բացառելով մեծամասնական տարրերի առկայությունը. «Սա ենթադրում է ոչ միայն սահմանադրության փոփոխություն, այլև ԱԺ կանոնակարգում փոփոխություններ»։
