ԱԽ քարտուղար Արմեն Գրիգորյանը պարզաբանել է, թե ինչու է անհրաժեշտություն առաջացել ստեղծել ազգային անվտանգության ռազմավարության վերանայման հանձնաժողով՝ չմանրամասնելով, թե որ ուղղություններով է փոփոխություն նախատեսվում․
«Մինչ այս պահը ունեցած հիմնական քննարկումները եղել են աշխատակարգի կանոնակարգի մասին։ Ազգային անվտանգության նոր ռազմավարության անհրաժեշտությունն առաջացել է այն փոփոխություններով, որոնք տեղի են ունեցել Հայաստանի անվտանգության միջավայրի շուրջ»,- ասաց Գրիգորյանը՝ հիշեցնելով նախորդ՝ 2020թ. անվտանգության ռազմավարությունից հետո Հայաստանի շուրջ տեղի ունեցած մեծ փոփոխությունները։
Գրիգորյանը հայտարարել է, որ ազգային անվտանգության նոր ռազմավարության աշխատանքների մեկնարկը կարելի է համարել տրված․ «Շուտով կսկսենք աշխատանքային հանդիպումները։ Ողջ գործընթացը լինելու է հրապարակային»։
