Ռուսաստանի արտգործնախարար Սերգեյ Լավրովը հայտարարել է, որ Վրաստանի համար «3+3» ձևաչափի դռները բաց են, իսկ աթոռը՝ ազատ։
«Ի սկզբանե բոլորը համակարծիք էին, որ ունենք «3+3» ձևաչափ, և հասկանում ենք Վրաստանի դիրքորոշման նրբությունները, բայց վրացի ներկայացուցիչների աթոռը միշտ դրված կլինի այս ձևաչափի նիստերի դահլիճում», – հայտարարել Լավրովը:
Լավրովը նշել է, որ այս մոտեցումը հաստատվել է նախարարների վերջին հանդիպմանը․ «Վրացական կողմին մենք հաստատել ենք, որ դռները բաց են, իսկ աթոռը՝ ազատ»։
«Կասկած չկա, որ «3+3»-ը գործում է բոլոր մասնակիցների շահերից ելնելով։ Ի դեպ, դա նախանձ, այլ ոչ թե կասկածներ էր առաջացնում ԱՄՆ նախորդ վարչակազմի մոտ, որը փորձում էր «3+3» ձևաչափի փոխարեն առաջ տանել «3+1» ձևաչափը, այսինքն՝ անդրկովկասյան երեք երկրներ և ԱՄՆ նախկին նախագահ Ջո Բայդենի մարդիկ, որոնք կղեկավարեին դրանք»,- նշել է նա։
Սերգեյ Լավրովը նաև ուշադրություն է հրավիրել այն հանգամանքի վրա, որ «3+3» ձևաչափով վերջին հանդիպմանը «որոշում է կայացվել խորհրդատվական այս հարթակից ավելի կառուցվածքային կազմակերպություն ստանալ»:
