Apple-ը հայտարարել է iPhone 16-ի նոր, ավելի էժան տարբերակի մասին։ Այն կոչվում է iPhone 16e, որն առաջին ամենաէժան iPhone-ն է, որը աշխատում է Apple Intelligence-ով: iPhone 16e-ն հագեցած է Apple-ի վերջին սերնդի A18 չիպով, որն ապահովում է արագ և անխափան աշխատանք և անհավանական էներգաարդյունավետություն: Այն արժե 599 դոլար. վաճառքի կհանվի փետրվարի 28-ին:
Վերջին տարիներին Apple-ը բախվել է Google-ի և Samsung-ի մրցակցության աճին ինչպես բյուջետային սմարտֆոնների շուկայում, այնպես էլ արհեստական բանականության ոլորտում:
iPhone 16e-ը, չնայած ավելի թանկ է, քան SE-ն, սակայն կարող է ավելի գրավիչ լինել նրանց համար, ովքեր ցանկանում են այնպիսի սարք, որն ավելի շատ նման է Apple-ի ավելի ժամանակակից մոդելներին: iPhone SE-ն վերջին iPhone-ն էր, որն ուներ ավանդական «Home» կոճակ և առջևի մատնահետքի սենսոր, որից Apple-ը սկսեց հրաժարվել 2017-ին՝ iPhone X-ի գալուստով: Iphone SE-ն այժմ հասանելի է iOS-ի և Android-ի համար:
Apple-ը պնդում է, որ iPhone 16e-ի նոր 5G մոդեմը «ամենաարդյունավետն է, որը երբևէ տեղադրվել է iPhone-ում»: iPhone 16e-ի մարտկոցի կյանքն ավելի երկար է՝ 11-12 ժամ ավելի երկար, քան iPhone SE-ի բոլոր սերունդներինը։ iPhone 16e-ն առաջարկում է նաև լիցքավորման հարմար տարբերակներ, ներառյալ՝ անլար լիցքավորումը և USB-C-ն։
Ի տարբերություն iPhone SE-ի, iPhone 16e-ն շատ ընդհանրություններ ունի iPhone 16-ի հետ, ինչը թույլ է տալիս այն համապատասխանել Apple-ի ներկայիս շարքին: Երկու հեռախոսներն էլ ունեն 6,1 դյույմանոց էկրան, Face ID, 48 մեգապիքսել տեսախցիկ և գործողությունների կոճակ: Այնուամենայնիվ, iPhone 16e-ն ավելի էժան է և չունի լայնանկյուն կադրերի տեսախցիկ ու տեսախցիկի կառավարման կոճակ։ Այն ունի նույն պրոցեսորը, ինչ iPhone 16 շարքի մնացած մոդելները, ինչը թույլ է տալիս աշխատել Apple Intelligence-ով: Apple Intelligence -ը մինչ այժմ հասանելի էր միայն 2023թ․ iPhone 16, iPhone 15 Pro և Pro Max մոդելներում, ինչպես նաև որոշ iPad-ներում և Mac-ներում։
