Պաղեստինյան ՀԱՄԱՍ խմբավորումը հայտարարել է, որ Իսրայելի հետ Գազայի հատվածում հրադադարի համաձայնագրի երկրորդ փուլի վերաբերյալ բանակցությունները դեռ չեն սկսվել. հայտնում է Al Jazeera-ն։
ՀԱՄԱՍ-ի ներկայացուցիչ Աբդուլ Լատիֆ ալ-Քանուն Իսրայելի վարչապետ Բենիամին Նեթանյահուին մեղադրել է հրադադարի երկրորդ փուլի իրականացումը դիտավորյալ «խոչընդոտելու» մեջ։
Ալ-Քանուն ընդգծել է, որ շարժումը դեռ սպասում է, որպեսզի Իսրայելը կատարի հրադադարին վերաբերող «հումանիտար արձանագրության» բոլոր կետերը։ Նա նաև նշել է, թե ՀԱՄԱՍ-ը պատրաստ է լիովին իրականացնել համաձայնագրի բոլոր փուլերը։
Իսրայելին մեղադրում են Գազա ժամանակավոր ապաստարանների՝ շարժական տների և վրանների, ինչպես նաև ծանր տեխնիկայի մուտքը արգելափակելու մեջ։
