Ֆրիդրիխ Մերցը հայտարարել է, որ կաջակցի Եվրոպային՝ ձեռք բերելու «իրական անկախություն» ԱՄՆ-ից։
Սակայն, ինչպես նշում է Reuters-ը, այդ նպատակին հասնելու համար Մերցը ստիպված կլինի բարդ և երկարատև կոալիցիոն բանակցություններ վարել, հատկապես այն բանից հետո, երբ ծայրահեղ աջ «Այլընտրանք Գերմանիայի համար» կուսակցությունը վերջերս ընտրություններում գրավել է պատմական երկրորդ տեղը։
«Մենք երկու կողմից էլ հսկայական ճնշման տակ ենք, ուստի իմ բացարձակ առաջնահերթությունը Եվրոպայում միասնության հասնելն է: Եվրոպայում միասնություն ստեղծելը հնարավոր է», – հայտարարել է նա։
Մերցը նշել է, որ Թրամփը ցույց է տվել, որ իր վարչակազմը «հիմնականում անտարբեր է Եվրոպայի ճակատագրի նկատմամբ»։
«Բացարձակ առաջնահերթություն կլինի, որքան հնարավոր է շուտ, ամրապնդել Եվրոպան, որպեսզի մենք քայլ առ քայլ կարողանանք հասնել ԱՄՆ-ից իրական անկախության», – եզրափակել է նա։
