Գործարար Գրիգոր Տեր-Ղազարյանը ֆեյսբուքյան իր էջում գրում է․
«Ընկերներ, Ձեր պատկերացումները գերազանցեցին իմ վատագույն/զավեշտալի մղձավանջները
Մամուլի հրապարակումներն՝ ինչպես նաև վերջիններիս արձագանքները կարդալով, առաջին հերթին պարտքս եմ համարում խնդրել, նաև պահանջել, որ դադարեցնե՛ք իմ անձը փոխկապակցել որևէ քաղաքական ուժի հետ, ով էլ, որ դա լինի, ընդհուպ հեռու կամ մոտ ազգական: Առնվազն ինձ ճանաչողները, վստահաբար, գիտեն, որ որևէ քաղաքական ու կուսակցական կապվածություն երբևէ չեմ ունեցել և որևէ կուսակցական շարքեր չեմ հարել:
Ինչ վերաբերվում է Կասկադի նախագծին. ամեն ինչ շատ տրիվյալ է՝ հայտարարվել է մրցույթ, որին մասնակցել ենք, քանի որ բավարարում էինք մրցույթի բոլոր պայմաններին ու չափորոշիչներին՝ սկսած փաստաթղթավորումից մինչև ֆինանսական միջոցներ ու ներդրումային ծավալ:
Ուզում եմ հասկանալ՝ ի՞նչ աղմուկ է բարձրացել: Չնայած, մեկ այլ տեսանկյունից նայելով էլ հասկանում եմ, որ ես էլ չլինեի, այլ անձ լիներ, նույն մարդիկ նույն էնտուզիազմով, նույն տեքստերը շարադրելու էին: Դա էլ է նորմալ՝ հիմնականում անկարողության ու չկամության սինդրոմ է: Ըմբռնումով ու ժպիտով եմ վերաբերվում տկար մտքերին:
Թերևս, այսքանը…
Меньше пафоса, господа ☺️
Հ.Գ.
Դե սովորեք, որ կարելի է չլինել որևէ մեկի գործիք ու ուղղակի գործ անել…. վստահ եմ, կսովորեք»։
