Վրաստանն աջակցում է Ուկրաինայում խաղաղություն հաստատելու ԱՄՆ-ի ծրագրին և գործողություններին, լրագրողներին ասել է Վրաստանի վարչապետ Իրակլի Կոբախիձեն։
«Մենք աջակցում ենք ԱՄՆ կառավարության խաղաղության ծրագրին և հուսով ենք, որ այդ ծրագիրը շատ շուտով կպսակվի հաջողությամբ: Մեզ համար կարևոր է միանալ խնդրի լուծմանը, որն ուղղված է խաղաղության հաստատմանը (Ուկրաինայում)»,- ասել է Կոբախիձեն՝ հիշեցնելով, որ Վրաստանն աջակցել է Ուկրաինայի վերաբերյալ ամերիկյան բանաձեւին։
