Առատ ձյան հետևաքով վնասել է Բաթումիի միջազգային օդանավակայանի գլխավոր մուտքի տանիքը:
Այս մասին հայտնել են վրացական լրատվամիջոցները:
Պատահարի հետևանքով ոչ ոք չի տուժել: Աշխատանքներ են տարվում օդանավակայանի վնասված տանիքի վերականգնման ուղղությամբ։
Այս ժամանակահատվածում Բաթումիի օդանավակայանում նախատեսված բոլոր թռիչքներն ընդունում է Քութաիսիի միջազգային օդանավակայանը, որը, չնայած ձյան առատ տեղումներին, գործում է սովորական ռեժիմով, թռիչքներն իրականացվում են անխոչընդոտ։
Բաթումում ձյան ծածկույթի բարձրությունը գերազանցել է 50 սմ-ը, լեռնային հատվածում այն արդեն մոտ մեկ մետրի է հասել, ինչի պատճառով հասարակական տրանսպորտը չի աշխատում, դպրոցներում և մանկապարտեզներում դասերը չեղարկվել են։
