Փետրվարի 25-ի լույս 26-ի գիշերն ուկրաինական անօդաչու թռչող սարքերը գրոհել են Կրասնոդարի երկրամասը։ Ականատեսների վկայությամբ՝ թիրախը եղել է Սև ծովի ափին գտնվող Տուապսե նավահանգիստը։ Դրոնները հարձակվել են քաղաքացիական օբյեկտների վրա, տուժածներ չկան։
Ռուսական Telegram ալիքները հաղորդում են նաև Անապայի երկնքում պայթյունների մասին, որտեղ աշխատել են ՀՕՊ ուժերը։ Սոչիի օդանավակայանում մտցվել է անվտանգության ապահովման հատուկ ծրագիր, չվերթների ընդունումն ու առաքումը ժամանակավորապես դադարեցվել է:
Ղրիմի իշխանությունները տեղեկացրել են նաև թերակղզու վրա անօդաչու թռչող սարքերի հարձակման մասին: Սև ծովի վրա չորս դրոն է խոցվել: Ըստ Ռուսաստանի պաշտպանության նախարարության՝ ընդհանուր առմամբ, Ռուսաստանի, Ղրիմի երկնքում, Սև և Ազովի ծովերի ջրային տարածքներում 128 անօդաչու թռչող սարք է ոչնչացվել։
