Ֆինանսների նախարար Վահե Հովհաննիսյանը կառավարությանը ներկայացրեց կրիպտոարժույթի ոլորտը կարգավորելու նախագիծը։
Վարչապետ Փաշինյանը նկատեց, որ սա կրիպտոարժույթների ոլորտը կարգավորելու առաջին փորձն է։
«Մենք այդպիսի կարգավորում չենք ունեցել։ Այս կարգավորումը չի լինելու կատարյալ։ Եվ մենք այսքան տարի այդ կարգավորմանը չենք գնացել՝ մտածելով, որ չի լինելու կատարյալ և փորձելով մի փոքր էլ աշխատել, որպեսզի այն դառնա կատարյալ։ Այն չի դարձել կատարյալ և չի դառնալու կատարյալ, բայց մենք պետք է գնանք ոլորտը կարգավորելու ճանապարհով։ Պետք է ուղիղ ասել, որ այստեղ խնդիրը հետևյալն է՝ պետական կառավարման համակարգը հընթացս պետք է գիտելիք ձեռք բերի կրիպտոարժույթի մասին, որովհետև գիտելիք չունի առնվազն համակարգված կրիպտոարժույթների մասին, որովհետև մենք չենք առնչվում այդ թեմային՝ առնչվում ենք պատահաբար, տարբեր իրադրություններով»։
