«Հանրապետություն», «Հանուն հանրապետության» և Հայաստանի Եվրոպական կուսակցությունները Գյումրիի ՏԻՄ ընտրություններում հանդես կգան դաշինքով, որ կկոչվի «Եվրադաշինք»։ Նրանց նախընտրական ցուցակը կգլխավորի «Ասպարեզ» լրագրողական ակումբի նախագահ Լևոն Բարսեղյանը։
Երեք կուսակցություները Գյումրիում դաշինքով հանդես գալու հուշագիր ստորագրեցին՝ ներկայացնելով նաև իրենց թեկնածուին։
«Հանրապետություն» կուսակցության նախագահ Արամ Սարգսյանը նշել է, թե եվրաքվեի ժամանակ էլ իրենց քայլերը սկսել են Գյումրիից. «Կարծես տրադիցիա է ձևավորվում՝ այն ժամանակ էլ հաջողության հասանք, և 50.000-ի փոխարեն 60.000 ստորագրություն հավաքեցինք»։ Նա հիշեցրել է, որ Լևոն Բարսեղյանը Գյումրիի ավագանու անդամ է եղել և տիրապետում է քաղաքի խնդիրներին. «Գյումրեցին արժանի է քաղաքական թեկնածու ունենալուն»,- ասել է նա։
