Եվրամիությունը ծրագրում է ամեն գնով Վրաստանը վերադարձնել «ժողովրդավարության և եվրաինտեգրման ուղի»։ Այս մասին հաղորդագրություն է տարածել Ռուսաստանի արտաքին հետախուզական ծառայությունը։ Ռուսական ծառայությունը պնդում է, որ ԵՄ-ը չի կարող թույլ տալ «արևմտյան ազդեցության հենակետի» կորուստ։
«Արտաքին հետախուզական ծառայության կողմից ստացվող տվյալների համաձայն՝ Եվրամիության ղեկավարությունը նպատակ ունի ամեն գնով Վրաստանին վերադարձնել ժողովրդավարության և եվրաինտեգրման ուղի։ Բրյուսելյան եվրաբյուրոկրատիան չի կարող իրեն թույլ տալ կորցնել այդ արևմտյան ազդեցության կարևոր հենակետը Անդրկովկասում», -ասվում է հաղորդագրության մեջ:
Ըստ ռուսական ծառայության՝ Թբիլիսիում ԵՄ ներկայացուցչությանը զգալի միջոցներ են հատկացվել ցույցերի համակարգման համար։ Հակակառավարական ելույթների մասնակիցներից յուրաքանչյուրին նախատեսվել է մինչև 120 եվրո վճարել մեկ «աշխատանքային» օրվա համար։
«Վրաստանի իշխանությունների կողմից գործողությունների ֆինանսավորման համար ԵՄ ուղիներն արգելափակելու փորձերի դեպքում մշակվում է Հայաստանում ԵՄ երկրների դեսպանատներից Թբիլիսի կանխիկ արժույթի առաքման տարբերակ»,- ասվում է ՌԴ ԱՀԾ-ը տարածած հաղորդագրության մեջ։
