Առողջապահության նախարար Անահիտ Ավանեսյանը հայտնել է, որ ամենօրյա մոնիտորինգ են իրականացնում։
«Հստակ ուղեցույցեր կան, թե որ դեպքում է պետք անցնել հավելյալ միջոցների՝ զսպելու վարակի բռնկումը»,- նկատեց նախարարը՝ ուշադրություն հրավիրելով այն հանգամանքի վրա, որ սուր շնչառական վիրուսների բռնկման շրջանում՝ նոյեմբեր-մարտ ամիսների միջակայքում հնարավոր չէ բաց թողնել կրթական ծրագրերը, և ցանկացած միջոցառում պետք է խելամիտ օգտագործվի, որպեսզի արդյունավետ լինի։
Նրա խոսքով՝ եթե դպրոցներում բացակայությունների թիվը հիվանդությունների պատճառով 25%-ով աճի, այն կարող է անցնել հեռավար դասապրոցեսի՝ համաձայնեցնելով ԿԳՄՍ նախարարության հետ։
«Այս պահին և սրանից առաջ համաճարակային վիճակը նման ցուցման հիմք չի հանդիսացել»,- ասաց նախարարը՝ շեշտելով, որ վերջին 3 օրվա ընթացքում վարակի նվազման տենդենց է նկատվել։
