Փետրվարի 27-ին Ստամբուլում կայացած բանակցություններում Ռուսաստանն ԱՄՆ-ին առաջարկել է վերականգնել երկրների միջև օդային հաղորդակցությունը։
«Ամերիկյան կողմին խնդրել ենք դիտարկել ուղիղ օդային հաղորդակցության վերականգնման հնարավորությունը», – հայտարարել է ՌԴ ԱԳՆ-ն։
Բանակցությունների ընթացքում կողմերը պայմանավորվել են «համատեղ քայլերի» մասին՝ ապահովելու դիվանագիտական առաքելությունների գործունեությունը և դիվանագետների աշխատանքի անարգել ֆինանսավորումը։
