Գոռ Աբրահամյանը գրել է.
«Ուկրաինական գնդակը Եվրոպայի և Եվրոմիության դաշտում է։ Կամա թե ակամա, Թրամփ-Վենս զույգն են այն վերջնականապես նետել Եվրոպայի կիսադաշտ։ Սա իսկապես ճշմարտության պահն է։ Հիմա է պարզվելու, ինչ արժի Եվրոպան որպես քաղաքական ու աշխարհաքաղաքական սուբյեկտ։
Արդյո՞ք այն, իր սովորության համաձայն շարունակելու է սենտիմենտալ, լացակումած ելույթներ ունենալը, իրենց տաք կաբինետներից Ուկրաինային սիրո խոստովանություններ անելն ու օրումեջ անկապ գագաթաժողովներ հրավիրելու` մեզ այնքան ծանոթ խաբեությունը, թե՞ ի վերջո որեւէ գործնական քայլ կատարելու է Ուկրաինայի համար անվտանգության առարկայական երաշխիքներ ապահովելու, Ռուսաստանին ու ԱՄՆ-ին կառուցողականության դաշտ բերելու համար։ Ես պատասխանը մոտավորապես գիտեմ։ Բայց սպասենք, գուցե ինչ որ հրաշքով սխալվեմ։
