220 մլն դրամ՝ «Գործարանային», 115 մլն դրամ՝ «Սասունցի Դավիթ» կայարանների շարժասանդուղքների փոխարինման համար

Երևանի Կ. Դեմիրճյանի անվան մետրոպոլիտենի «Սասունցի Դավիթ» կայարանում շարժասանղուքների փոխարինման աշխատանքներ են կատարվում։ Մետրոպոլիտենի տնօրեն Բաբկեն Սեդրակյանն ի պատասխան քաղաքապետ Տիգրան Ավինյանի հարցի, նշեց, որ նման աշխատանքներ իրականանցվել են «Գործարանային» կայարանում, և այդ նպատակով ծախսվել է մոտ 220 մլն դրամ։

«Սասունցի Դավիթ» կայարանում 3 շարժասանդուղքի փոխարինման աշխատանքներն ընթացքում են, որից մեկն արդեն ավարտել ենք ու շահագործման է հանձնվել։ Մյուս երկուսը կավարտենք մինչև մայիսի 30-ը։ Այստեղ ծախսվել է 115 մլն դրամ»,– տեղեկացրել է Սեդրակյանը։

Քաղաքապետ Ավինյանը նշեց, որ ցանկացավ հանրությանը ցույց տալ, թե որքան գումար է ծախսվում այդ գործընթացն իրականացնելու համար ու թե քանի ավտոբուս էր հնարավոր բերել այդ փողով։