Կրեմլը հերքել է լուրերը, թե ռուս-թուրքական հարաբերությունները սառել են, միաժամանակ չի բացառել երկու երկրների միջև ամենաբարձր մակարդակով շփումները:
«Ընթանում է երկխոսություն՝ ինչպես աշխատանքային, այնպես էլ փորձագիտական մակարդակով: Այդ երկխոսությունը չի դադարել և չի դադարի: Անհրաժեշտության դեպքում շփումներ կլինեն ամենաբարձր մակարդակով»,- ճեպազրույցում ասել է նախագահի մամուլի քարտուղար Դմիտրի Պեսկովը։
Հարցին, թե կարելի՞ է խոսել երկկողմ հարաբերությունների սառեցման մասին, նա պատասխանել է.
«Այստեղ ես չեմ կարող համաձայնել ձեզ հետ, Մոսկվայի և Անկարայի հարաբերությունները շատ բազմակողմանի են, դրանք շարունակում են զարգանալ, ինտենսիվ երկխոսություն կա»։
